El remocique del patiu del colexu esaparez del presupuestu - El Periódicu
1810
post-template-default,single,single-post,postid-1810,single-format-standard,ajax_fade,page_not_loaded,,qode-title-hidden,qode_grid_1300,footer_responsive_adv,hide_top_bar_on_mobile_header,qode-content-sidebar-responsive,qode-theme-ver-16.8,qode-theme-bridge,qode_header_in_grid,wpb-js-composer js-comp-ver-5.5.2,vc_responsive

El remocique del patiu del colexu esaparez del presupuestu

La inversión tendrá qu’esperar a facer una modificación de créditu o al usu del remanente.  Incluyíes partíes nueves pa una obra na grada cubierta del  «Güelito» y la actuación «parque perros»

 

Munchos cambeos los que se produxeron nel Presupuestu pa 2020 dende que s’aprobare inicialmente el seis de febreru.

Una vez comprobao que cuasi 107.400 euros nun s’asignaren correctamente, foi necesario axustar el documentu a la llegalidá y hebo munchos movimientos.

Ye matemática puro, si dalgo más de 107 mil euros nun taben onde-yos correspondía, hai que mover esa cantidá dende otres partíes pa solucionar el desfase colos consiguientes axustes.

L’equipu de gobiernu decidió suprimir la inversión más potente aprobada, la actuación nel patiu cubiertu del colexu públicu, con una partida de 84.000 euros.

Sicasí, l’equipu de gobiernu espera poder acometer esta actuación nun tardando, financiando l’actuación bien col remanente de tesorería o faciendo una modificación de créditu. Nun habría problema pa facelo de denguna de les maneres.

Si bien suprimió esta importante actuación nel centru educativu, tuvo a bien incluyir dos inversiones nueves por un montante total de casi 5725 euros.

Una de les partíes incluyíes ye pa «parque perros», con una  dalgo más de 3200 euros consignaos. La otra novedá ye pa una obra na grada cubierta del campu sintéticu de fútbol presupuestada en dalgo más de 2400 euros.

Asina les coses, cola supresión de la obra del patiu y la incorporación de estes novedaes, l’equipu gobiernu tuvo que mover otros dalgo más de 29 mil euros euros dende otres partíes que, pel momentu, nun trescendieron.

Sí ye conocía l’ausencia de cambeos no referente al gastu previstu nes retribuciones de los conceyales en réxime de dedicación parcial y el consiguiente en seguridá social, totalizando dalgo más de 94.000 euros.

Con too y con ello, caltiénense  el restu les inversiones aprobaes inicialmente: Intervenciones zona rural (31.000 euros), aglomeraos (16.000), recuperación zona castañéu (12.000), camión hidrollimpiador (40.000); reforma alumbráu públicu (759.983,92) y equipamientu pa la Escuela infantil 0-3 años (6.000).

 

 

Comparte en: