Yá ta a la venta "Retrato de una pandemia" d'Alvaro Fuente - El Periódicu
2227
post-template-default,single,single-post,postid-2227,single-format-standard,ajax_fade,page_not_loaded,,qode-title-hidden,qode_grid_1300,footer_responsive_adv,hide_top_bar_on_mobile_header,qode-content-sidebar-responsive,qode-theme-ver-16.8,qode-theme-bridge,qode_header_in_grid,wpb-js-composer js-comp-ver-5.5.2,vc_responsive

Yá ta a la venta «Retrato de una pandemia» d’Alvaro Fuente

El martes 1 de setiembre preséntase’l llibru nos Xardines del Ayuntamientu

Yá ta a la venta l’esperáu llibru d’Alvaro Fuente onde recueye bona parte de la vida cotidiana de Noreña, nestos tiempos d’andanciu pol coronavirus, y dexó inmortalizaes a cientos de persones nes sos páxines.

Dende esta mañana ya s’alcuentra a la venta na Librería Morchón, nel estudiu fotográficu Atelier Plus, nel Kiosko de Cristi y en La Semeya. Tamién ye posible mercalu en El Café de Chelo, la Ostería El Topo o n’El Retiro. Pero va ser, según informó la Conceyalía de Cultura, el martes 1 de septiembre cuando tenga llugar la presentación de Retrato de una Pandemia. L’actu va ser a les once la mañana nos Xardines del Ayuntamientu.

Nesti trabayu, el fotoperiodista noreñés pon la so mirada al traviés del arte de la fotografía, de la vida na villa baxo’l coronavirus, convirtiendo les sos semeyes en testimonios de situaciones y momentos, que faen d’esta obra un documentu de la situación vivida na Villa Condal axuntando creatividá y emoción nes sos imágenes.

A lo llargo la su trayectoria Álvaro Fuente foi reconocíu pol so trabayu, ente otros, colos premios “Joaquin Bilbao” y el Premio Memorial “Ramón González”.

Comparte en: