EL gobiernu noreñés preocupáu pola situación de l'atención primaria - El Periódicu
2441
post-template-default,single,single-post,postid-2441,single-format-standard,ajax_fade,page_not_loaded,,qode-title-hidden,qode_grid_1300,footer_responsive_adv,hide_top_bar_on_mobile_header,qode-content-sidebar-responsive,qode-theme-ver-16.8,qode-theme-bridge,qode_header_in_grid,wpb-js-composer js-comp-ver-5.5.2,vc_responsive

EL gobiernu noreñés preocupáu pola situación de l’atención primaria

La Conceyalía de Salú de Noreña solicitó soluciones al gobiernu asturianu ya que de caltenese la situación d’anguañu el serviciu «pue llegar a colapsar»

 

Centru Salú

La Conceyala de Salú  Pilar Cuesta Blanco amosó la so esmolición sobro la situación nel centru d’atención primaria de Noreña al Conseyeru de Sanidá.

«Somos conocedores de los esfuerzos que dende la Conseyería  tán realizándose,  pero ta observándose la sobrecarga  que tienen los profesionales: médicos, enfermeros y personal de citaciones de dichu centru, pos amás de les consultes tán realizando trámites burocráticos o alministrativos», desplicó Cuesta.

Esta situación, diz la conceyala, «ensin dulda ta repercutiendo na atención de los usuarios y el personal del centru» lo que lleva al equipu gobiernu a pensar que  de caltenese esta situación «puede llegar a colapsar el serviciu».

Los médicos tan faciendo  amás del so llabor profesional d’atender a los pacientes trabayos alministrativos. Per otra parte, el serviciu de citaciones ta colapsáu pol volume de llamaes, ye por ello que la Conceyalía solicita personal alministrativu de sofitu a los sanitarios y al personal d’atención telefónica.

Dende l’equipu gobiernu municipal esperen que se pueda iguar la situación

Comparte en: