El númberu 11 d'El Periódicu tendrá qu'esperar un poco - El Periódicu
2445
post-template-default,single,single-post,postid-2445,single-format-standard,ajax_fade,page_not_loaded,,qode-title-hidden,qode_grid_1300,footer_responsive_adv,hide_top_bar_on_mobile_header,qode-content-sidebar-responsive,qode-theme-ver-16.8,qode-theme-bridge,qode_header_in_grid,wpb-js-composer js-comp-ver-5.5.2,vc_responsive

El númberu 11 d’El Periódicu tendrá qu’esperar un poco

Esperamos qu’ameyore la situación y poder dispidir l’añu con un númberu nuevu del periódicu de Noreña

Un periódicu gratuitu caltiense cola publicidá de collaboradores y nel casu d’El Periódicu principalmente vien de la hostelería, siguida del comerciu y d’otres actividaes profesionales, amás claro ta de la posible publicidá institucional que pueda haber puntualmente.

A principios d’esti mes de payares la situación sociosanitaria llevó al gobiernu d’Asturies a tomar una serie de midíes urxentes que conllevaron el pieslle de munches actividaes consideraes non esenciales. Munchos establecimientos hosteleros tovieron que piesllar o trabayar con fuertes llimitaciones.

Nesta situación bona parte de los establecimientos collaboradores alcuéntrense nuna situación difícil. Ye por ello polo que dende la empresa editora nun consideramos  positivo asoleyar  un númberu nuevu si pa poder facelo teníemos que cargar un gastu a los anunciantes nesta situación d’excepcionalidá.

Si bien les midides urxentes del gobiernu son temporales cola nueva prorroga aprobada, hasta principios del mes que vien, nun hai posibilidá de que se vuelva a un mínimu de normalidá  nesti mes de payares

Per otru llau, esti mes nun se contrató ninguna publicidá institucional n’El Periódicu de Noreña, que de tenela  podría compensar el nun tener carga-yos un gastu a los establecimientos collaboradores, con restricciones na so actividá, pa poder tener un númberu nuevu na cai.

La nuestra idea ye qu’El Periódicu seya un proyectu duraderu nel tiempu y nun podemos arriesgar la so viabilidá sacando un númeru nestes circunstancies.

Quiciás los problemes de distribución que pudieren existir, al nun contar con munchos establecimientos  estratéxicos abiertos, se podríen salvar y facer llegar igual El Periodicu a los y les llectores d’otra manera pero, analizando pros y contras, creemos que lo más sensato ye esperar un pocu.

Anque nos duela esti parón na actividá, nes circunstancies actuales pareznos que si queremos tener un periódicu noreñense munchu tiempu nun podemos arriesganos. Namás esperamos poder cerrar l’añu con un númberu nuevu. Mientres, dende elperiodicu.com siguiremos ufiertando conteníos.

Y polo demás, como dicíemos na portada del númberu 10: «Toa precaución ye poca».

Cuídemonos.

 

Comparte en: