Les primeres xornaes de los Callos "pa llevar" - El Periódicu
2467
post-template-default,single,single-post,postid-2467,single-format-standard,ajax_fade,page_not_loaded,,qode-title-hidden,qode_grid_1300,footer_responsive_adv,hide_top_bar_on_mobile_header,qode-content-sidebar-responsive,qode-theme-ver-16.8,qode-theme-bridge,qode_header_in_grid,wpb-js-composer js-comp-ver-5.5.2,vc_responsive

Les primeres xornaes de los Callos «pa llevar»

La 53ª edición de Los Callos de Noreña va tener qu’esperar pero del vienres 4 al martes 8 va cellebrase una versión alternativa porque Noreña ye Callos.

 

Como vien siendo norma nos festexos noreñeses d’esti añu, tamién Los Callos van tener que reinventase. Si les Fiestes del Picadillu se tovieron que cellebrar en confinamientu y vivimos un Ecce Homo diferente agora son Los Callos los que van tener que vivise d’otra manera. Lloñe queda aquella 52ª edición con chigres abarrotaos y folixa nuecherniega.

Oficialmente les 53 xornaes de Los Callos de Noreña tovieron que suspendese poles circustancies sociosanitaries y les midides escepcionales que que pa convatir l’andanciu de Covid-19 se tan tomando. Munchos establecimientos hosteleros tan piesllaos y otros sobreviven con serviciu de repartu de comida en casa o de recoyida nel llocal.

Nesta situación la xente de Noreña y alredores prepárense pa vivir Los Callos de la meyor manera. Van ser les primeres xornaes de Los Callos «pa llevar», los establecimientos que tan funcionando preparen estos díes cientos de quilos de callos tradicionales de Noreña pa ofrecer a la so clientela.

Pa recoyer nos restoranes o pa pidir pa entrega en casa, Los Callos nun van faltar nesti puente (que en Noreña más allá d’otres cellebraciones ye’l «puente de Los Callos») y los callófilos podrán fartucar escoyendo ente una mayoría de los que normalmente podríen comer.

Habrá baxes importantes esti añu pero nun van faltar los callos del Letual, d’El Casero de la Villa Condal, d’El Fiu Chiti, de La Plaza, del Carbón, d’El Rolsán, de Miscelanea Gastro… Pela so parte, El Topo yá anunció que va tener los callos de Sabi, ún clásicu noreñés dende los tiempos de La Cuadra  y n’El Café de Chelo yá preparen la receta de los callos de Chelo de tola vida.

Habrá muncho onde escoyer pese a la situación y dende la Junta Local de Hostelería animen a  la xente a encargar les sos raciones de callos, acompañales con otres cosines que tamién ofrecen los establecimientos y cellebrar esti añu, en casa, un eventu que ye bandera. Noreña ye callos, pesie a todo.

Comparte en: