Anulada la Ordenanza pal Usu del Asturianu - El Periódicu
2716
post-template-default,single,single-post,postid-2716,single-format-standard,ajax_fade,page_not_loaded,,qode-title-hidden,qode_grid_1300,footer_responsive_adv,hide_top_bar_on_mobile_header,qode-content-sidebar-responsive,qode-theme-ver-16.8,qode-theme-bridge,qode_header_in_grid,wpb-js-composer js-comp-ver-5.5.2,vc_responsive

Anulada la Ordenanza pal Usu del Asturianu

Casa Conceyu de Noreña

El Tribunal Superior de Xusticia d’Asturies (TSXA) anuló la segunda Ordenanza Municipal pal Usu de la Llingua Asturiana nel Conceyu de Noreña. El recursu interpúnxolu otra vuelta militante del PP, partíu ensin representación anguañu.

La sentencia “diz que la ordenanza vien a declarar la oficialidá nel conceyu y qu’hai ausencia d’estudiu económicu”, esplica, sosprendía pola decisión, alcaldesa Amparo Antuña, depués del esfuerciu fechu pola so formación, Independientes por Noreña, y por Conceyu Abiertu por Noreña p’adaptar l’anterior cola ayuda d’un abogáu y la incorporación d’un informe económicu del serviciu d’Intervención onde se reflexa que nun supondría gastu dengún.

“En nengún momentu pretendimos la oficialidá, que nun ta dientro les nuestres competencies, namás que la xente que quiera usar la llingua nativa del conceyu pueda facelo”. Con esta situación de bloquéu llegal a les iniciatives de normalización social del idioma nos Conceyos, l’alcaldesa entiende “que correspuende al Principáu ver qué facer; ye un tema nel que tien qu’entrar, vamos esperar a lo que pase na Xunta Xeneral cola oficialidá”.

Una oficialidá a la que’l Plenu de Noreña ya dió’l so apoyu pidiendo la so declaración. Nesti sentíu, tres conocer la sentencia, pa Iniciativa pol Asturianu “esta actitud, ante una ordenanza que únicamente garantiza drechos y nun obliga a nada, refuerza la necesidá de la reforma estatutaria pa incluyir la oficialidá del asturianu”.

Comparte en: