Les obres de la zona d’autocaravanes na Avenida de Xixón yá tán en marcha - El Periódicu
2805
post-template-default,single,single-post,postid-2805,single-format-standard,ajax_fade,page_not_loaded,,qode-title-hidden,qode_grid_1300,footer_responsive_adv,hide_top_bar_on_mobile_header,qode-content-sidebar-responsive,qode-theme-ver-16.8,qode-theme-bridge,qode_header_in_grid,wpb-js-composer js-comp-ver-5.5.2,vc_responsive

Les obres de la zona d’autocaravanes na Avenida de Xixón yá tán en marcha

Con un plazu d’execución de dos meses y 48.642 euros de presupuestu, impuestos incluyíos, la nueva instalación va tener capacidá pa siete vehículos

 

La instalación d’una zona de serviciu y estacionamientu d’autocaravanes na Avenida de Xixón escomenzaron el pasáu llunes 6 de setiembre.

Zona de les obres

La empresa axudicataria del contratu, Tratamientos Asfálticos S.A., presentó una ufierta de 48.642 euros, impuestos incluyíos pa una obra con un importe base de llicitación de cuasi 56.000.

Trátase d’una de les inversiones previstes nel Presupuestu del Conceyu pa 2021 con una partida de 57.000 euros. Cinco empreses presentáronse pa llevar alantre la obra, siendo una excluyida por “baxa temeraria” al considerase que la ufierta taba bastante perbaxo del restu y nun xustificase de forma afayaiza.

La obra tien un plazu d’execución de dos meses y una vez finada va recuperase una zona en desusu que va pasar a ser un área de serviciu con capacidá pa acoyer hasta siete d’estos vehículos al mesmu tiempu.

Comparte en:
Tags: