Esti añu sí... el tercer Gochu Skate Contest - El Periódicu
2824
post-template-default,single,single-post,postid-2824,single-format-standard,ajax_fade,page_not_loaded,,qode-title-hidden,qode_grid_1300,footer_responsive_adv,hide_top_bar_on_mobile_header,qode-content-sidebar-responsive,qode-theme-ver-16.8,qode-theme-bridge,qode_header_in_grid,wpb-js-composer js-comp-ver-5.5.2,vc_responsive

Esti añu sí… el tercer Gochu Skate Contest

Depués de la esitosa Selmana del Skate llega l’esperáu Gochu Skate Contest

 

Gochu Skate Contest 2019

L’añu pasáu nun se pudo cellebrar la tercer edición del Gochu Skate Contest un eventu que nes sos dos primeres ediciones llogró asitiar a Noreña nel panorama del patín del noroeste peninsular.

L’afición tuvo que conformase entoncienes con una exhibición pero esti añu sí…torna el Gochu Skate y failo con más puxu tovía.

Nestos dos años l’afición medró abondo en Noreña preba d’ello ye l’ésitu que tuvo la Selmana del Skate entamada va pocu y los talleres que se vienen desenrrollado nun skate park que siempres tien actividá.

La tarde nueche del sábadu 18 de setiembre la instalación deportiva va convertise nuna folixa deportiva y cultural.

Campeonatu

A les cuatro la tarde va entamar el campeonatu, empezando poles categoríes sub16 y femenín. A les seis ta previsto qu’entame el d’adultos. A les ocho y media va ser el momentu del Meyor Trucu, media hora onde los participantes poder buscar el “best trick”. La entrega premios piesllará la estaya deportiva. Van ser más de mil euros en metálicu, amás de munchos regalos los que se repartan nesta edición.

Cine y Conciertu

A les 21:30 hores va proyectase la película corto “Still Hungry” de Elmer Guevara, premiada nel Festival de Cine de Xixón.

Pa rematar l’eventu nun va faltar la música en direutu. Dende les diez de la nueche los asistentes van poder esfrutar col punk-rock ochenteru de “Molante” y los soníos de La“Mota Blues”.

Comparte en: