“La Vida Esplicada” de Pidal Montes yá s’alcuentra a la venta nes llibreríes - El Periódicu
2886
post-template-default,single,single-post,postid-2886,single-format-standard,ajax_fade,page_not_loaded,,qode-title-hidden,qode_grid_1300,footer_responsive_adv,hide_top_bar_on_mobile_header,qode-content-sidebar-responsive,qode-theme-ver-16.8,qode-theme-bridge,qode_header_in_grid,wpb-js-composer js-comp-ver-5.5.2,vc_responsive

“La Vida Esplicada” de Pidal Montes yá s’alcuentra a la venta nes llibreríes

Primeres presentaciones programes en Noreña, Uviéu y Xixón

 

Toño Martínez y Xosé I. Pidal Montes en La Semeya. Foto: María Pidal García.

La selmana pasada La Semeya recibía los exemplares de la edición de “La vida esplicada”, la primer novela del escritor Xosé I. Pidal Montes y el primer llibru qu’edita la editorial noreñesa.

L’autor fexo la recepción oficial de la obra y ésta ya s’alcuentra na distribuidora pa que llegue a toles llibreríes asturianes y que cualquier persona pueda mercala o encargala nelles.

Como nun podía ser d’otra manera, pue mercase “La vida esplicada” nes llibreríes de Noreña en Morchón y La Semeya.

La vida nun tien argumentu, y ante esa incontestable verdá, l’autor adiéntrase nel territoriu de la narrativa a traviés del invisible filu conductor de lo oyío, de lo lleío, de lo vivió; de l’acordanza de tantos nomes qu’hasta la memoria escaeció. Siempre buscando que quien llea esta vida esplicada caleye pela sienda que s’abre ente la niebla de la lleenda y la realidá.

Presentaciones del llibru

Col llibru na cai ye’l momentu de presentalu. Yá se conocen dalgunes feches y llugares onde Pidal Montes “esplicará la vida”. La xira empieza en Noreña, con una presentación oficial en La Semeya el xueves día 2 a les 19:30 hores.

Uviéu va ser la segunda parada, el vienres 3, preséntase nel nuevu espaciu que Pintar-Pintar abrió na plaza Juan XIII.

La siguiente fecha zarrada ye en Xixón, na llibrería La Buena Letra, el miércoles 15 a les 19:30 hores. Habrá bastantes presentaciones más, con Carbayín y Bimenes como parada obligatoria, que se tan zarrando.

Comparte en: